Dende Nosa Enerxía S.Coop.Galega queremos ensinar como enviarlle as túas lecturas reais á distribuidora para que cobren lecturas reais e non estimadas.
A pesares de que as distribuidoras teñen que facer a facturación en base a lecturas reais e cunha periodicidade dun mes en aqueles puntos de subministración que teñen un equipo de medida con capacidade para a telemedida e a telexestión, ás veces emiten facturas con lecturas estimadas.
Cando recibimos unha factura con lecturas estimadas temos que reclamarlle á distribuidora que realice lecturas reais e regularicen os consumos estimados cobrados. Por experiencia, estas reclamacións soen tardar no tempo e ás veces volvemos a recibir outras facturas con lecturas estimadas antes de que a distribuiora realice as lecturas reais e regularice os consumos estimados cobrados.
Para intentar evitar estas situacións, é importante entender que son eses números que aparecen nos novos contadores, chamados “intelixentes” para comprobar que as lecturas das facturas que recibes son correctas ou hai que reclamarlle á distribuidora que faga lecturas reais ou revisen o funcionamento do contador (a pesares de ser “intelixentes” tamén se avarían).
Si a túa distribuidora é:
- UFD, entón podes achegarlles as lecturas do teu contador a través da súa web: https://www.ufd.es/usuarios/facilitar-lectura-del-contador/ Nela explican cun video cales son os datos necesarios para enviarlles as túas lecturas.
- Viesgo, entón podes achegarlles as lecturas do teu contador a través da súa área privada https://www.viesgodistribucion.com/acceso Os seus contadores son similares ou iguáis que os de UFD pero puxeron á túa disposición uns manuais, para descargar, dos tipos de contadores: Monofásicos, Trifásicos e Bidireccionáis (para os autoconsumos)
- Iberdrola, entón podes achegarlles as lecturas dende a súa área privada: https://www.i-de.es/consumidores/inicio.html
- Endesa, entón podes achegarlles as lecturas do teu contador a través da seguinte web: https://www.edistribucion.com/es/servicios/gestion-suministro/lectura-contador.html ou da súa área privada: https://www.endesaclientes.com/Login.html. Esta distribuidora comenta que para achegarlles a lectura ten que ser dun contrato en vigor, cunha potencia inferior a 15kW e que a lectura se envíe 7 días antes do ciclo de facturación que teñen eles (e que se aproxima á data final das lecturas dunha das túas facturas)
Si a túa distribuidora é outra distinta ás anteriores tes o listado de tódalas distribuidoras neste censo da CNMC e si tes algún problema de acceso terías que contactar con ela e pedirlle como acceder á súa área privada e como enviarlles as lecturas do teu contador.
Pode ser que non sepas cal é a túa distribuidora, polo que neste caso contacta con nós a clientes@nosaenerxia.gal ou no 681608386 (de luns a venres dende as 10:00h até as 14:00h) e dirémosche cal é a túa distribuidora.
