Tarifa de baixa tensión con potencias contratadas inferiores a 15kW (maioritariamente vivendas, locais comerciais e pequenas empresas).

A tarifa 2.0TD permite contratar dúas potencias diferentes, unha por cada período de potencia, que se aplican segundo o seguinte gráfico circular.

O prezo da enerxía varía cada hora e cada día polo que non se pode establecer un horario, o seu custo terá una variación semellante ao da PVPC, pero 100% renovable

En Nosa Enerxía S.Coop.Galega pagarás pola enerxía que consumas, sen cotas mensuais nin permanencia nin penalizacións.

O prezo da xestión de Nosa Enerxía inclúe:

• GdOs (€/MWh): Garantías de Orixe Renovable
• Custo Operación (€/MWh)
• Sobre custo desvíos (€/MWh)
• FNEE (€/MWh): Fondo nacional de eficiencia enerxética
• Gastos propios do funcionamento da cooperativa. Moitas comercializadoras toman só esta parte como referencia para o custo de xestión.

O prezo de xestión sería o seguinte:

• para contratos con potencias contratadas menores a 5kW a xestión implicaría 0.0248€/kWh
  
• para contratos con potencias contratadas maiores a 5kW a xestión implicaría 0.0208€/kWh
  
• para contratos de non socias a xestión implicaría 0.0268€/kWh
• para contratos de socias que fixeron unha ampliación do seu capital social até 500€, a xestión implicaría 0.0185€/kWh

Estes prezos están recalculados en base a información ofrecida polo PVPC, o prezo definitivo podería ter pequenas variacións en función da información publicada por REE posteriormente.

Os cálculos están feitos usando un prezo de xestión de 0.0208 €/kWh.